٦٥٠٣: عبدالرحمن بن ابی لیلیٰ نے حضرت مقداد بن اسود (رض) سے روایت کی کہ میں اور میرا ایک ساتھی مدینہ منورہ آئے پھر اسی طرح روایت نقل کی۔ کیا تم نہیں دیکھتے کہ اصحاب رسول اللہ (صلی اللہ علیہ وآلہ وسلم) نے ان کی مہمانی نہیں کی۔ حالانکہ ضرورت نے ان کو انتہاء تک پہنچا دیا تھا جیسا کہ روایت میں مذکور ہے۔ پھر جناب رسول اللہ (صلی اللہ علیہ وآلہ وسلم) نے بھی ان پر سختی نہ کی۔ پس جو ہم نے بیان کیا ہے اس سے ضیافت کا منسوخ ہونا ثابت ہوتا ہے۔ ہم پہلے یہ روایت ذکر کر آئے کہ ” مال المسلم علی المسلم حرام “ ۔ (الحدیث)