٦٥١٦: ابو اسحق کہتے ہیں کہ مجھے سالم بن عبداللہ نے کہا کہ استبرق کیا ہے میں نے کہا موٹا اور کھردرا ریشم وہ کہنے لگے میں نے عبداللہ بن عمر (رض) کو فرماتے سنا کہ عمر (رض) نے ایک آدمی پر استبرق کا جوڑا دیکھا وہ اس کو لے کر آئے اور کہنے لگے یارسول اللہ (صلی اللہ علیہ وآلہ وسلم) اس کو خرید لیں تاکہ وفود کے لیے آپ اس کو پہنیں جب وہ آپ کی خدمت میں حاضر ہوا آپ نے فرمایا ریشم وہ پہنتا ہے جس کا آخرت میں کوئی حصہ نہ ہو۔ راوی کہتے ہیں کہ یہ بات آئی گئی ہوگئی پھر جناب رسول اللہ (صلی اللہ علیہ وآلہ وسلم) نے حضرت عمر (رض) کی طرف ایک ریشمی جوڑا بھیجا حضرت عمر (رض) اس کو لے کر آئے اور کہنے لگے یارسول اللہ (صلی اللہ علیہ وآلہ وسلم) آپ نے یہ میری طرف بھیجا ہے حالانکہ آپ اس جیسے جوڑے کے بارے میں وہ فرما چکے جو آپ فرما چکے آپ (صلی اللہ علیہ وآلہ وسلم) نے فرمایا میں نے یہ جوڑا تمہاری طرف اس لیے بھیجا تاکہ اس سے تم مال حاصل کرو۔ حضرت عبداللہ ابن عمر (رض) اس حدیث کی وجہ سے کپڑے میں نقش و نگار کو ناپسند کرتے تھے۔
تخریج : بخاری فی الادب باب ١٤‘ مسلم فی اللباس روایت ٨‘ ٩۔