٦٦٨٣: عبدالرحمن بن حارث نے ابن عباس (رض) سے روایت کی ہے کہ قسم یمین ہے۔ یہ ابن عباس (رض) وہی ہیں جنہوں نے پہلی روایت نقل کی ہے یہاں وہ قسم کو یمین بتلا رہے ہیں اس میں اس بات کی دلیل ہے کہ حلف مباح ہے اور یہ عام قسموں کی طرح ہے اس سے یہ بات ثابت ہوگئی کہ حدیث اول کی جو ہم نے تاویل کی ہے وہ درست ہے اور دوسری تاویل صحیح نہیں۔ امام طحاوی (رح) فرماتے ہیں : اباحت قسم کی اور روایات بھی ہیں ان میں سے چند یہ ہیں۔
تخریج : دارمی فی النذور باب ٨۔