٦٧٧٨: قاسم نے حضرت عائشہ (رض) سے روایت کی ہے کہ میں نے ایک گدا خریدا جس میں تصاویر تھیں جب رسول اللہ (صلی اللہ علیہ وآلہ وسلم) میرے ہاں تشریف لائے اور اس کو دیکھا تو آپ کا چہرہ متغیر ہوا پھر فرمایا اے عائشہ ! یہ کیا ہے ؟ میں نے عرض کیا یہ گدا ہے جو میں نے آپ کے لیے خریدا ہے تاکہ آپ اس پر بیٹھیں تو آپ نے فرمایا ہم اس گھر میں داخل نہیں ہوتے جہاں تصویریں ہوں۔
تخریج : بخاری فی النکاح باب ٧٦‘ والبیوع باب ٤٠‘ واللباس باب ٩٢‘ مسلم فی اللباس ٩٤؍٩٦‘ مالک فی الاستیذان ٨‘ مسند الحمد ٦؍١١٢۔