٦٨٥٢: شعبی کہتے ہیں کہ ہم صحن کعبہ میں بیٹھے تھے میرا خیال یہ ہے کہ انھوں نے یہ بھی کہا اصحاب رسول اللہ (صلی اللہ علیہ وآلہ وسلم) کی ایک جماعت کے ساتھ بیٹھے تھے وہ ایک دوسرے کو اشعار سنا رہے تھے۔ تو ہمارے پاس عبداللہ بن زبیر (رض) آ کر کھڑے ہوئے اور کہنے لگے حرم میں اور کعبہ کے پاس تم ایک دوسرے کو شعر پڑھ کر سنا رہے ہو ؟ تو ان میں سے ایک آدمی نے کہا اے ابن زبیر (رض) جناب رسول اللہ (صلی اللہ علیہ وآلہ وسلم) نے ان اشعار سے منع فرمایا جن میں عورتوں کا تذکرہ ہو اور اس سے مردوں پر عیب لگایا جائے۔ یہ کہنا بھی درست ہے کہ شروع باب میں جن اشعار کی ممانعت کی گئی اس سے مراد وہی ہوں جن کی ممانعت اس روایت میں ہے۔