٦٨٦: ابن شہاب نے سالم بن عبداللہ سے روایت کرتے ہیں کہ ایک صحابی رسول (صلی اللہ علیہ وآلہ وسلم) جمعہ کے دن اس وقت مسجد نبوی میں داخل ہوئے جبکہ حضرت عمر (رض) خطبہ دے رہے تھے عمر (رض) نے ان کو مخاطب کر کے فرمایا یہ آنے کا کون سا وقت ہے ؟ انھوں نے کہا اے امیرالمؤمنین ! میں بازار سے واپس لوٹا تو میں نے اذان سنی پس میں وضو کر کے مسجد میں آگیا ہوں عمر کہنے لگے وضو صرف ! تم جانتے ہو کہ جناب رسول اللہ (صلی اللہ علیہ وآلہ وسلم) اس کے لیے غسل کا حکم فرماتے تھے مالک کہتے ہیں یہ آنے والے عثمان بن عفان (رض) تھے۔
تخریج : گزشتہ تخریج ملاحظہ ہو۔