٧١٣١: مکحول کہتے ہیں کہ مجھے حذیفہ اور ابو موسیٰ اشعری کے قاصد نے بیان کیا کہ جناب رسول اللہ (صلی اللہ علیہ وآلہ وسلم) تکبیر افتتاح کے علاوہ عیدین میں چار چار تکبیریں کہتے تھے۔ اس روایت نے وضاحت کردی کہ تکبیر تحریمہ ان مذکورہ تکبیرات سے خارج ہے جن کا تذکرہ جو زجانی اور روایت علی بن عبدالرحمن اور روایت یحییٰ بن عثمان میں پایا جاتا ہے۔ یہی بات ہمارے نزدیک عیدین کی تکبیرات کے سلسلے میں رسول اللہ (صلی اللہ علیہ وآلہ وسلم) سے ثابت شدہ ہے اس کے خلاف کوئی روایت بھی ہمارے علم اس طرح پایہ ثبوت کو نہیں پہنچتی۔ البتہ وہ روایت جو نافع کی سند سے حضرت ابوہریرہ (رض) اور ابن عمر (رض) سے مروی ہے وہ اس بات کے خلاف ہے اس میں بارہ تکبیرات کا تذکرہ ہے۔ یہ روایت صحابہ کی ایک جماعت سے اس کے خلاف الفاظ سے مروی ہے چنانچہ حضرت علی (رض) کی روایت ہم پیش کرتے ہیں۔