٧١٤٣: یوسف بن ماھک کہتے ہیں کہ ابن الزبیر (رض) چار تکبیرات کہا کرتے تھے جو دونوں رکوعوں کی تکبیرات سے الگ ہوتیں ان سے یہ بات زعیم نے سنی۔ اس روایت میں دو احتمال ہیں۔ پہلی رکعت کی چار تکبیرات سوائے تکبیر تحریمہ کے مانیں تو اس صورت میں یہ روایت ابن مسعود ‘ حذیفہ ‘ ابو موسیٰ (رض) کی روایت سے موافق ہوجائے گی۔ ! اور اگر تکبیر تحریمہ کو ان میں داخل مانیں تو پھر یہ ان کے مذہب کے مخالف ٹھہرے گی ہمارے لیے بہتر یہ ہے کہ اس کو موافقت والے قول پر محمول کریں نہ کہ عدم موافقت والے پر۔ حضرت انس (رض) سے بھی اس کے خلاف روایت وارد ہے۔