٧١٥٩: طاؤس نے ابن عباس (رض) سے روایت کی ہے کہ میں جناب رسول اللہ (صلی اللہ علیہ وآلہ وسلم) کے ساتھ عید میں موجود تھا اور اسی طرح میں ابوبکر و عمرو عثمان (رض) کے ساتھ عید میں حاضر ہوا تمام کے تمام خطبہ سے پہلے نماز ادا فرماتے پھر بعد میں خطبہ دیتے۔ جناب نبی اکرم (صلی اللہ علیہ وآلہ وسلم) اترے گویا اب بھی وہ منظر میرے سامنے ہے کہ آپ آدمیوں کو اپنے ہاتھ سے بٹھا رہے ہیں پھر آپ ان کو چیرتے ہوئے عورتوں کے مجمع میں تشریف لائے اس وقت بلال (رض) آپ کے ساتھ تھے اور آپ نے ارشاد فرمایا ” یا ایہا النبی اذا جاء ک المومنات “ (الممتحنہ ١٢ تا آخر آیت) پھر فراغت کے بعد فرمایا تم اس پر قائم رہو گی تو ایک عورت کہنے لگی اور اس کے سواء اور کسی نے جواب نہ دیا جی ہاں۔ یارسول اللہ (صلی اللہ علیہ وآلہ وسلم) ۔ آپ نے فرمایا پھر تم صدقہ کرو۔ تو حضرت بلال (رض) نے اپنا کپڑا پھیلا دیا پھر آپ نے ان کو فرمایا اس میں ڈالتی جاؤ تو وہ بلال کے کپڑے میں انگوٹھیاں اور چھلے ڈالنے لگیں۔
تخریج : بخاری فی العیدین باب ١٩‘ تفسیر سورة ٦٠‘ باب ٣‘ مسلم فی العیدین روایت ١۔