٧٢٨٥: عبادہ بن حنیف نے ابو اسامہ بن سہل بن حنیف سے روایت کی ہے کہ ایک آدمی نے دوسرے آدمی کو تیر مار کر ہلاک کردیا اور مرنے والے کا سوائے ماموں کے کوئی وارث نہ تھا تو حضرت ابو عبیدہ بن جراح نے حضرت عمر بن خطاب (رض) کی طرف خط لکھا تو حضرت عمر (رض) نے ان کی طرف یہ لکھا کہ جس کا کوئی وارث نہ ہو اللہ تعالیٰ اور اس کے رسول (صلی اللہ علیہ وآلہ وسلم) اس کے وارث ہیں اور جس کا کوئی وارث نہ ہو ماموں اس کا وارث ہے۔
تخریج : ابو داؤد فی الفرائض باب ٨‘ ترمذی فی الفرائض باب ١٢‘ ابن ماجہ فی الدیات باب ٧‘ والفرائض باب ٩‘ دارمی فی الفرائض باب ٣٨‘ مسند احمد ٤؍١٣١۔