٧٣٢٣: ابوبکر بن احمد نے ابن بریرہ سے انھوں نے اپنے والد سے نقل کیا کہ بنو خزاعہ کا ایک آدمی مرگیا آپ (صلی اللہ علیہ وآلہ وسلم) کے پاس اس کی میراث کا معاملہ آیا تو آپ (صلی اللہ علیہ وآلہ وسلم) نے فرمایا اس کا کوئی وارث یا قرابت والا تلاش کرو یونس راوی نے اسی طرح ذکر کیا ابن خزیمہ کی روایت یہ ہے کہ آپ (صلی اللہ علیہ وآلہ وسلم) نے ذی رحم کے لفظ فرمائے چنانچہ انھوں نے تلاش کیا تو نہ پایا پھر جناب رسول اللہ (صلی اللہ علیہ وآلہ وسلم) نے فرمایا اس میراث کو خزاعہ کے بڑے آدمی کے حوالے کر دو یہ ہمارے نزدیک ہے جیسا کہ یحییٰ بن آدم نے نقل کیا ہے جو کہ اس سے پہلے ہے۔