٧٤٥: ابوالزبیر نے جابر سے نقل کیا کہ ابو عمرو مولیٰ عائشہ (رض) نے بتلایا کہ حضرت عائشہ (رض) نے جناب رسول اللہ (صلی اللہ علیہ وآلہ وسلم) کا عمل اسی طرح نقل کیا جیسا زہری عن ابی سلمہ میں منقول ہے۔ یہ حضرات اسود کے علاوہ ہیں اور حضرت عائشہ صدیقہ (رض) سے جناب رسول اللہ (صلی اللہ علیہ وآلہ وسلم) سے متعلق وہ بیان کر رہے ہیں جو ابراہیم نے حضرت عائشہ صدیقہ (رض) سے جناب رسول اللہ (صلی اللہ علیہ وآلہ وسلم) کے متعلق بیان فرمایا اور خود حضرت عائشہ صدیقہ (رض) کا اپنا قول بھی اس کی مثل منقول ہے۔
حاصل روایات :
یہ اسود کے علاوہ روات حضرت عائشہ (رض) عن رسول اللہ (صلی اللہ علیہ وآلہ وسلم) وہی نقل کر رہے ہیں جو روایت ابراہیم کے موافق ہے جو کہ ابراہیم عن الاسود عن عائشہ عن رسول اللہ (صلی اللہ علیہ وآلہ وسلم) نقل کی گئی ہے اور خود عائشہ (رض) کا قول بھی اس کی موافقت میں منقول ہے پھر روایت ابو اسحاق کی کیا حیثیت رہ جاتی ہے یا تو اس کا مفہوم ان روایات کے موافق لیں یا وہ راویہ کے بیان کے بعد ساقط الاعتبار ہے۔