٨٧٢: عطاء بن ابی رباح کہتے ہیں کہ مجھے صحابہ (رض) میں سے ایک آدمی نے بیان کیا کہ ایک آدمی جناب نبی اکرم (صلی اللہ علیہ وآلہ وسلم) کی خدمت میں آیا اور آپ سے نماز کے اوقات کے سلسلہ میں سوال کیا تو آپ نے اسے حکم دیا کہ وہ نمازوں میں آپ کے ساتھ حاضر رہے پس آپ (صلی اللہ علیہ وآلہ وسلم) نے فجر کی نماز جلدی پڑھائی پھر ظہر کی نماز جلدی پڑھائی پھر نماز عصر جلدی پڑھائی پھر مغرب کی نماز جلدی پڑھائی پھر عشاء کی نماز جلد پڑھائی پھر اگلے روز تمام نمازیں مؤخر کر کے پڑھائیں پھر آدمی کو فرمایا میرے ان دونوں دنوں کی نماز کے درمیان سارا نماز کا وقت ہے۔
تخریج : مسلم فی المساجد نمبر ١٧٨‘ ١٧٩‘ ترمذی فی المواقیت باب ١‘ مسند احمد ٤؍٤١٦۔