٨٩٤: عمارہ نے ابو عطیہ سے نقل کیا کہ میں اور مسروق حضرت عائشہ (رض) کی خدمت میں حاضر ہوئے تو مسروق نے سوال کیا اے ام المؤمنین ! اصحاب محمد (صلی اللہ علیہ وآلہ وسلم) میں سے دو آدمی ہیں جو خیر کو بالکل نہیں چھوڑتے ان میں سے ایک مغرب کو جلد پڑھتا ہے اور جلد افطار کرتا ہے اور دوسرا مغرب کو اس وقت تک مؤخر کرتا ہے یہاں تک کہ ستارے ظاہر ہوں اور افطار کو بھی مؤخر کرتا ہے یعنی ابو موسیٰ انھوں نے پوچھا ان میں سے کون نماز کو اور افطار کو جلد ادا کرتا ہے میں نے کہا عبداللہ۔ حضرت عائشہ (رض) نے فرمایا جناب رسول اللہ (صلی اللہ علیہ وآلہ وسلم) اسی طرح کرتے تھے۔
تخریج : مسلم فی الصیام نمبر ٤٩‘ ابو داؤد فی الصوم باب ٢١‘ نمبر ٢٣٥٤‘ ترمذی فی الصوم باب ١٣‘ نمبر ٧٠٢‘ نسائی فی الصیام باب ٢٣۔