٨٩٧: یزید بن ابی عبید نے سلمہ بن اکوع (رض) سے نقل کیا ہے کہ ہم جناب رسول اللہ (صلی اللہ علیہ وآلہ وسلم) کے ساتھ مغرب کی نماز غروب آفتاب پر پڑھ لیا کرتے تھے۔ اور اس سلسلہ میں جناب رسول اللہ (صلی اللہ علیہ وآلہ وسلم) کے بعد والے حضرات صحابہ کرام (رض) اور تابعین (رح) کی روایات بھی موجود ہیں۔
تخریج : بخاری فی المواقیت باب ١٨‘ مسلم فی المساجد ٢١٦‘ ترمذی فی المواقیت باب ٨‘ نمبر ١٦٤‘ ابن ماجہ فی الصلاۃ باب ٧‘ نمبر ٦٨٨‘ مسند احمد ٤؍٥٤‘ بیہقی فی السنن الکبرٰی ١؍٤٤٦۔
حاصل روایات : ان چاروں روایات سے ثابت ہوتا ہے کہ جناب رسول اللہ (صلی اللہ علیہ وآلہ وسلم) غروب آفتاب کے بعد نماز ادا فرما لیا کرتے تھے صحابہ کرام کا طرز عمل یہی تھا صحابہ کرام کے ارشاد سے بھی یہ بات ثابت ہے جس کو ہم نقل کرتے ہیں۔