٩٠٣: عبدالرحمن بن یزید کہتے ہیں کہ عبداللہ بن مسعود (رض) نے اپنے ساتھیوں کو نماز مغرب پڑھائی ان کے ساتھی کھڑے ہو کر سورج کو دیکھنے لگے تو عبداللہ نے کہا کیا دیکھتے ہو ؟ کہنے لگے ہم دیکھتے ہیں آیا سورج غروب ہوگیا ہے یا نہیں۔ تو عبداللہ نے فرمایا اس اللہ تعالیٰ کی قسم اٹھا کر کہتا ہوں جس کے سوا کوئی معبود نہیں یہی اس نماز کا وقت ہے پھر عبداللہ نے بطور استشہاد یہ آیت پڑھی : ” اقم الصلاۃ لدلوک الشمس الی غسق اللیل “ [الاسرائ : ٧٨ ] اپنے ہاتھ سے مغرب کی طرف اشارہ کیا اور کہا یہ غسق اللیل ہے (رات کا آنا ہے) اور اپنے ہاتھ سے مطلع کی طرف اشارہ کیا اور کہا یہ دلوک الشمس ہے۔ فہد سے پوچھا گیا کہ کیا تمہیں عمارہ نے بھی بیان کیا ‘ انھوں نے کہا ‘ جی ہاں۔
تخریج : مصنف ابن ابی شیبہ کتاب الصلاۃ ١؍٣٢٨؍٣٢٩۔