٩٢٠: ام کلثوم بنت ابی بکر کہتی ہیں کہ مجھے حضرت عائشہ (رض) نے بتلایا کہ ایک رات آپ نے نماز عشاء میں اتنی دیر کی کہ رات کا بڑا حصہ گزر گیا مسجد والے بھی سو گئے پھر آپ باہر تشریف لائے اور نماز پڑھائی اور فرمایا یہ اس نماز کا وقت ہے اگر میری امت پر گراں نہ ہوتا تو میں اس وقت ادا کرتا۔ اس روایت میں یہ مذکور ہے کہ آپ (صلی اللہ علیہ وآلہ وسلم) نے نماز عشاء کو رات کا اکثر حصہ گزرنے پر ادا کیا اور مجھے یہ بتلایا کہ یہ اس کا وقت ہے۔ پس ان روایات کی تصحیح کے پیش نظر ہم کہیں گے کہ عشاء کا اوّل وقت غروب شفق سے تمام رات گزرنے تک ہے۔ مگر اس کے فضیلت کے لحاظ سے تین درجات ہیں :! ثلث شب گزرے تک افضل ترین وقت ہے جس میں یہ نماز پڑھی جائے۔ " اس کے بعد آدھی رات ہونے تک فضیلت کا درجہ اس سے کم ہے۔#آدھی رات کے بعد ماقبل کے دونوں اوقات سے اور فضیلت گھٹ جائے گی اور اس کے متعلق بھی اصحاب رسول (صلی اللہ علیہ وآلہ وسلم) سے روایات آئی ہیں۔
تخریج : مسلم فی المساجد نمبر ٢١٩‘ نسائی فی المواقیت باب ٢١‘ دارمی فی الصلاۃ باب ١٩‘ مسند احمد ٦؍١٥٠۔
ان آثار سے معلوم ہوگیا کہ نماز عشاء کا وقت غیبوبت شفق کے بعد تمام رات ہے مگر اس کو تین حصوں میں تقسیم کیا جائے گا۔
افضل ترین وقت :
جب شفق غائب ہوا اس وقت سے لے کر ثلث لیل تک۔
مناسب وقت :
ثلث لیل سے آدھی رات تک یہ درجہ میں پہلے سے فروتر ہے۔
جائز وقت :
نصف رات سے طلوع صبح صادق تک یہ فضیلت میں سب سے کم ہے۔
مگر فرق مراتب کے باوجود نماز عشاء تمام اوقات میں ادا ہوگی قضا شمار نہ ہوگی۔