٩٤١: نافع نے عبداللہ بن عمر (رض) سے روایت نقل کی ہے کہ ایک رات انھوں نے چلنے میں جلدی کی جبکہ آپ کی بیوی نے اپنے کسی رشتہ دار کے سلسلہ میں معاونت طلب کی تھی آپ چلتے رہے یہاں تک کہ شفق غروب ہوا چاہتا تھا اور ان کے ساتھی نماز نماز پکار رہے تھے اور وہ انکار کر رہے تھے جب ان کا اصرار بڑھ گیا تو فرمانے لگے میں نے جناب رسول اللہ (صلی اللہ علیہ وآلہ وسلم) کو دیکھا کہ آپ نے ان دونوں نمازوں کو جمع کر کے ادا فرمایا یعنی مغرب و عشاء کو اور میں بھی جمع کروں گا۔
تخریج : بخاری فی التقصیر باب ٦‘ مسلم فی صلوۃ المسافرین نمبر ٢٤‘ ابو داؤد فی الصلاۃ باب ٥‘ نمبر ١٢٠٧‘ نسائی فی المواقیت باب ٤٥‘ مسند احمد ٢؍٥١۔