٩٧٢: ابو صالح نے ابوہریرہ (رض) سے بیان کیا کہ جناب نبی اکرم (صلی اللہ علیہ وآلہ وسلم) نے فرمایا منافقین پر سب سے بھاری فجر اور عشاء کی نماز ہے اگر لوگ ان کا ثواب جان لیتے تو ان کے لیے گھٹنوں کے بل آنا پڑتا و وہ آتے میں نے فیصلہ کرلیا کہ میں مؤذن کو اذان کے لیے کہوں وہ اذان دے پھر میں ایک آدمی کو لوگوں کی امامت کے لیے کہوں پھر میں آگ کا شعلہ لے کر ان لوگوں کے گھر جلا دیتا جو نماز کے لیے گھر سے نہیں نکلتے۔
تخریج : بخاری فی الاذان باب ٣٤‘ مسلم فی المساجد نمبر ٢٥٢‘ ابو داؤد فی الصلاۃ باب ٤٧‘ نمبر ٥٤٨‘ نسائی فی الامامہ باب ٤٥‘ دارمی فی الصلاۃ باب ٥٣‘ مسند احمد ٥؍١٤٠‘ ١٤١۔