٩٨٣: ابوالعالیہ کہتے ہیں میں نے ابو موسیٰ اشعری (رض) کے پیچھے نماز صبح ادا کی ایک صحابی رسول اللہ (صلی اللہ علیہ وآلہ وسلم) جو میرے پہلو میں تھے کہنے لگے یہ صلوۃ وسطیٰ ہے۔ حضرت ابن عباس (رض) نے اپنے استدلال میں آیت : ” حافظوا علی الصلوات “ کو پیش کیا اور ان کے ہاں قنوت سے صبح کا قنوت مراد ہے۔ جب قنوت سے صبح کا قنوت مراد ہے تو جس نماز میں وہ قنوت پایا جاتا ہے وہ نماز صلوٰۃ وسطیٰ ہے۔ اس آیت کے شان نزول میں ابن عباس (رض) کے خلاف روایات بھی موجود ہیں ‘ ملاحظہ ہوں۔
تخریج : تفسیر طبری ٢؍٥٦٥۔
حاصل روایات : ابن عباس (رض) کی روایت سے نماز فجر کا صلوۃ وسطیٰ ہونا معلوم ہو رہا ہے اس کی وجہ : { حَافِظُوْا عَلَی الصَّلَوٰتِ وَالصَّلٰوۃِ الْوُسْطٰیقوَقُوْمُوْا لِلّٰہِ قٰنِتِیْنَ } [البقرہ : ٢٣٨] ہے انھوں نے اس نماز کی وجہ سے جس میں قنوت پڑھی جاتی ہے اس کو صلوۃ وسطیٰ قرار دیا۔
روایات ابن عباس (رض) کا جواب :
جواب نمبر ١: اس آیت کا شان نزول اور بیان کیا ہے قنوت کو سکوت کے معنی میں لیا ہے پہلے نیت باندھ لینے کے بعد گفتگو کی اجازت تھی جب یہ آیت اتری تو کلام سے روک دیا گیا جیسا کہ مندرجہ ذیل روایت سے ثابت ہوتا ہے روایت زید بن ارقم (رض) ۔