Jamiat Tirmidhi: Hadith 1574

عمر بن خطاب (رض) کہتے ہیں کہ عرض کیا گیا : اللہ کے رسول ! فلاں آدمی شہید ہوگیا، آپ نے فرمایا : ہرگز نہیں، میں نے اس عباء (کپڑے) کی وجہ سے اسے جہنم میں دیکھا ہے جو اس نے مال غنیمت سے چرایا تھا ، آپ نے فرمایا : عمر ! کھڑے ہوجاؤ اور تین مرتبہ اعلان کر دو ، جنت میں مومن ہی داخل ہوں گے (اور مومن آدمی خیانت نہیں کیا کرتے) ۔ امام ترمذی کہتے ہیں : یہ حدیث حسن صحیح غریب ہے۔ تخریج دارالدعوہ : صحیح مسلم/الإیمان ٤٨ (١١٤) ، (تحفة الأشراف : ١٠٤٩٧) (صحیح ) قال الشيخ الألباني : صحيح صحيح وضعيف سنن الترمذي الألباني : حديث نمبر 1574