Jamiat Tirmidhi: Hadith 1836

عمرو بن امیہ ضمری (رض) سے روایت ہے کہ انہوں نے نبی اکرم ﷺ کو دیکھا کہ آپ نے بکری کی دست کا گوشت چھری سے کاٹا، اور اس میں سے کھایا، پھر نماز کے لیے تشریف لے گئے اور وضو نہیں کیا ١ ؎۔ امام ترمذی کہتے ہیں : ١ - یہ حدیث حسن صحیح ہے، ٢ - اس باب میں مغیرہ بن شعبہ سے بھی روایت ہے۔ تخریج دارالدعوہ : صحیح البخاری/الوضوء ٥ (٢٠٨) ، والأذان ٤٣ (٦٧٥) ، والجہاد ٩٢ (٢٩٢٣) ، والأطعمة ٢٠ (٥٤٠٨) ، و ٢٦ (٥٤٢٢) ، و ٥٨ (٥٤٦٢) ، صحیح مسلم/الحیض ٢٤ (٣٥٥) ، سنن ابن ماجہ/الطہارة ٦٦ (٤٩٠) ، (تحفة الأشراف : ١٠٧٠) ، و مسند احمد (٤/١٣٩، ١٧٩) و (٥/٢٨٨) (صحیح ) وضاحت : ١ ؎ : اس سے معلوم ہوا کہ چھری سے کاٹ کر گوشت کھایا جاسکتا ہے ، طبرانی اور ابوداؤد میں ہے کہ چھری سے گوشت کاٹ کر مت کھاؤ کیونکہ یہ عجمیوں کا طریقہ ہے ، لیکن یہ روایتیں ضعیف ہیں ، ان سے استدلال درست نہیں ، نیز یہ بھی معلوم ہوا کہ آگ سے پکی چیز کھانے سے وضوء نہیں ٹوٹتا ، کیونکہ آپ ﷺ نے گوشت کھا کر وضو نہیں کیا۔ قال الشيخ الألباني : صحيح، ابن ماجة (490) صحيح وضعيف سنن الترمذي الألباني : حديث نمبر 1836