Jamiat Tirmidhi: Hadith 1939

ام کلثوم بنت عقبہ (رض) کہتی ہیں کہ میں نے رسول اللہ ﷺ کو فرماتے ہوئے سنا : وہ شخص جھوٹا نہیں ہے جو لوگوں کے درمیان صلح کرائے اور وہ (خود ایک طرف سے دوسرے کے بارے میں) اچھی بات کہے، یا اچھی بات بڑھا کر بیان کرے ١ ؎۔ امام ترمذی کہتے ہیں : یہ حدیث حسن صحیح ہے۔ تخریج دارالدعوہ : صحیح البخاری/الصلح ٢ (٢٦٩٢) ، صحیح مسلم/البر والصلة ٣٧ (٢٦٠٥) ، سنن ابی داود/ الأدب ٥٨ (٤٩٢٠) (تحفة الأشراف : ١٨٣٥٣) ، و مسند احمد (٦/٤٠٤) (صحیح ) وضاحت : ١ ؎ : لوگوں کے درمیان صلح و مصالحت کی خاطر اچھی باتوں کا سہارا لے کر جھوٹ بولنا درست ہے ، یہ اس جھوٹ کے دائرہ میں نہیں آتا جس کی قرآن و حدیث میں مذمت آئی ہے ، مثلاً زید سے یہ کہنا کہ میں نے عمر کو تمہاری تعریف کرتے ہوئے سنا ہے وغیرہ ، اسی طرح کی بات عمر کے سامنے رکھنا ، ایسا شخص جھوٹا نہیں ہے ، بلکہ وہ ان دونوں کا محسن ہے ، اور شریعت کی نظر میں اس کا شمار نیک لوگوں میں ہے۔ قال الشيخ الألباني : صحيح، الروض النضير (1196) ، الصحيحة (545) صحيح وضعيف سنن الترمذي الألباني : حديث نمبر 1938