ام المؤمنین میمونہ (رض) سے روایت ہے کہ ایک چوہیا گھی میں گر کر مرگئی، رسول اللہ ﷺ سے اس کے بارے میں پوچھا گیا تو آپ نے فرمایا : اسے اور جو کچھ چکنائی اس کے اردگرد ہے اسے پھینک دو ١ ؎ اور (بچا ہوا) گھی کھالو ۔ امام ترمذی کہتے ہیں : ١ - یہ حدیث حسن صحیح ہے، ٢ - یہ حدیث اس سند سے بھی آئی ہے «الزهري عن عبيد اللہ عن ابن عباس أن النبي صلی اللہ عليه وسلم» ، راویوں نے اس میں «عن میمونة» کا واسطہ نہیں بیان کیا ہے، ٣ - میمونہ کے واسطہ سے ابن عباس کی حدیث زیادہ صحیح ہے، ٤ - معمر نے بطریق : «الزهري، عن ابن أبي هريرة، عن النبي صلی اللہ عليه وسلم» جیسی حدیث روایت کی ہے، یہ حدیث (سند) غیر محفوظ ہے، میں نے محمد بن اسماعیل بخاری کو کہتے سنا کہ معمر کی حدیث جسے وہ «عن الزهري عن سعيد ابن المسيب عن أبي هريرة عن النبي صلی اللہ عليه وسلم» کی سند سے روایت کرتے ہیں کہ نبی اکرم ﷺ سے اس کے بارے میں پوچھا گیا تو آپ نے فرمایا : جب گھی جما ہوا ہو تو چوہیا اور اس کے اردگرد کا گھی پھینک دو اور اگر پگھلا ہوا ہو تو اس کے قریب نہ جاؤ یہ خطا ہے، اس میں معمر سے خطا ہوئی ہے، صحیح زہری ہی کی حدیث ہے جو «عن عبيد اللہ عن ابن عباس عن ميمونة» کی سند سے آئی ہے ٢ ؎، ٥ - اس باب میں ابوہریرہ (رض) سے بھی روایت ہے۔ تخریج دارالدعوہ : صحیح البخاری/الوضوء ٦٧ (٢٣٥) ، والذبائح ٣٤ (٥٥٣٨) ، سنن ابی داود/ الأطعمة ٤٨ (٣٨٤١) ، سنن النسائی/الفرع والعتیرة ١٠ (٤٢٦٣) ، (تحفة الأشراف : ١٨٠٦٥) ، وط/الاستئذان ٧ (٢٠) ، و مسند احمد (٦/٣٢٩، ٣٣٠، ٣٣٥) وسنن الدارمی/الطہارة ٥٩ (٧٦٥) ، والأطعمة ٤١ (٢١٢٨، ٢١٢٩، ٢١٣٠، ٢١٣١) (صحیح ) وضاحت : ١ ؎ : لیکن شرط یہ ہے کہ وہ جمی ہوئی چیز ہو ، اور اگر سیال ہے تو پھر پورے کو پھینک دیا جائے گا۔ ٢ ؎ : معمر کی مذکورہ روایت مصنف عبدالرزاق کی ہے ، معمر ہی کی ایک روایت نسائی میں (رقم : ٤٢٦٥ ) میمونہ سے بھی ہے جس میں سیال اور غیر سیال کا فرق ابوہریرہ (رض) ہی کی روایت کی طرح ہے ، سند اور علم حدیث کے قواعد کے لحاظ سے اگرچہ یہ دونوں روایات متکلم فیہ ہیں ، لیکن ایک مجمل روایت ہی میں نسائی کا لفظ ہے «سمن جامد» جما ہوا گھی اور یہ سند صحیح ہے ، بہرحال اگر صحیحین کی مجمل روایت ہی کو لیا جائے تو بھی ارد گرد اسی گھی کا ہوسکتا ہے جو جامد ہو ، سیال میں ارد گرد ہو ہی نہیں سکتا ، کیونکہ چوہیا اس میں گھومتی رہے گی۔ قال الشيخ الألباني : صحيح صحيح وضعيف سنن الترمذي الألباني : حديث نمبر 1798