Abu Dawood: Hadith 160

اوس بن ابی اوس ثقفی (رض) کہتے ہیں کہ رسول اللہ ﷺ نے وضو کیا اور اپنے جوتوں اور دونوں پاؤں پر مسح کیا۔ عباد کی روایت میں ہے : میں نے رسول اللہ ﷺ کو دیکھا، آپ ایک قوم کے کظامة یعنی وضو کی جگہ پر تشریف لائے۔ مسدد کی روایت میں ميضأة اور کظامة کا ذکر نہیں ہے، پھر آگے مسدد اور عباد دونوں کی روایتیں متفق ہیں کہ آپ ﷺ نے وضو کیا اور اپنے دونوں جوتوں اور دونوں پاؤں پر مسح کیا۔ تخریج دارالدعوہ : تفرد به أبو داود، (تحفة الأشراف : ١٧٣٩) ، وقد أخرجہ : مسند احمد (٤/٨) (صحیح )