Abu Dawood: Hadith 1750

ام المؤمنین عائشہ (رض) فرماتی ہیں کہ حجۃ الوداع میں رسول اللہ ﷺ نے اپنے آل ١ ؎ کی طرف سے ایک گائے کی قربانی کی ٢ ؎۔ تخریج دارالدعوہ : سنن ابن ماجہ/الأضاحي ٥ (٣١٣٥) ، (تحفة الأشراف : ١٧٩٢٤) ، وقد أخرجہ : صحیح البخاری/الحج ١١٥ (١٧٠٩) ، والأضاحي ٣ (٥٥٤٨) ، صحیح مسلم/الحج ٦٢ (١٣١٩) ، موطا امام مالک/الحج ٥٨(١٧٩) ، مسند احمد (٦/٢٤٨) (صحیح ) وضاحت : ١ ؎ : یہاں آل سے مراد ازواج مطہرات رضی اللہ عنہن ہیں۔ ٢ ؎ : ایک گائے یا اونٹ میں سات آدمی کی شرکت ہوسکتی ہے، اس حج میں آپ ﷺ کے ساتھ سات ہی ازواج مطہرات ہوں گی، یا بخاری ومسلم کے لفظ ضحى (قربانی کی) سے پتہ چلتا ہے کہ آپ ﷺ نے بطور ہدی نہیں بلکہ بطور قربانی ذبح کیا، تو پورے گھر والوں کی طرف سے گائے ذبح کی۔