ابوہریرہ (رض) سے روایت ہے کہ رسول اللہ ﷺ نے فرمایا : تین چیزیں ایسی ہیں کہ انہیں چاہے سنجیدگی سے کیا جائے یا ہنسی مذاق میں ان کا اعتبار ہوگا، وہ یہ ہیں : نکاح، طلاق اور رجعت ۔ تخریج دارالدعوہ : سنن الترمذی/الطلاق ٩(١١٨٤) ، سنن ابن ماجہ/الطلاق ١٣(٢٠٣٩) ، (تحفة الأشراف : ١٤٨٥٤) (حسن) (شواہد اور آثار صحابہ سے تقویت پاکر یہ حدیث حسن ہے ، ورنہ عبدالرحمن بن حبیب کو نسائی نے منکرالحدیث کہا ہے اور حافظ ابن حجرنے لین الحدیث ، ملاحظہ ہو : ارواء الغلیل ١٨٢٥ )