ام المؤمنین عائشہ (رض) کہتی ہیں رسول اللہ ﷺ اگر وہ چیزیں دیکھتے جو عورتیں کرنے لگی ہیں تو انہیں مسجد میں آنے سے روک دیتے جیسے بنی اسرائیل کی عورتیں اس سے روک دی گئی تھیں۔ یحییٰ بن سعید کہتے ہیں : میں نے عمرہ سے پوچھا : کیا بنی اسرائیل کی عورتیں اس سے روک دی گئی تھیں ؟ انہوں نے کہا : ہاں۔ تخریج دارالدعوہ : صحیح البخاری/الأذان ١٦٣ (٨٦٩) ، صحیح مسلم/الصلاة ٣٠ (٤٤٥) ، (تحفة الأشراف : ١٧٩٣٤) ، وقد أخرجہ : موطا امام مالک/القبلة ٦ (١٥) ، مسند احمد (٦/٩١، ١٩٣، ٢٣٥، ٢٣٢) (صحیح )