اس سند سے بھی ام ورقہ بنت عبداللہ بن حارث (رض) سے یہی حدیث مروی ہے، لیکن پہلی حدیث زیادہ کامل ہے، اس میں یہ ہے کہ رسول اللہ ﷺ ام ورقہ سے ملنے ان کے گھر تشریف لے جاتے تھے، آپ ﷺ نے ان کے لیے ایک مؤذن مقرر کردیا تھا، جو اذان دیتا تھا اور انہیں حکم دیا تھا کہ اپنے گھر والوں کی امامت کریں۔ عبدالرحمٰن کہتے ہیں : میں نے ان کے مؤذن کو دیکھا، وہ بہت بوڑھے تھے۔ تخریج دارالدعوہ : انظر ما قبله، (تحفة الأشراف : ١٨٣٦٤) (حسن) (ملاحظہ ہو حدیث سابق )