عبداللہ بن عمرو (رض) کہتے ہیں کہ رسول اللہ ﷺ فرماتے تھے : تین آدمیوں کی نماز اللہ قبول نہیں فرماتا : ایک تو وہ شخص جو لوگوں کی امامت کرے اور لوگ اسے ناپسند کرتے ہوں، دوسرا وہ شخص جو نماز میں پیچھے آئے، پیچھے آنا یہ ہے کہ جماعت فوت ہوجانے یا وقت گزر جانے کے بعد آئے، اور تیسرا وہ شخص جو اپنے آزاد کئے ہوئے شخص کو دوبارہ غلام بنا لے ۔ تخریج دارالدعوہ : سنن ابن ماجہ/إقامة الصلاة ٤٣ (٩٧٠) ، (تحفة الأشراف : ٨٩٠٣) (ضعیف) (اس کے دو راوی عبدالرحمن افریقی اور عمران ضعیف ہیں، مگر اس کا پہلا جزء شواہد سے تقویت پاکر صحیح ہے )