Sunan Al Bayhaqi: Hadith 1061

(١٠٦٢) سیدہ عائشہ (رض) سے روایت ہے کہ بیداء جگہ پر میرا ہار گم ہوگیا اور ہم مدینہ میں داخل ہونے والے تھے۔ رسول اللہ (صلی اللہ علیہ وآلہ وسلم) نے قیام کیا، اس دوران آپ (صلی اللہ علیہ وآلہ وسلم) کا سر میری گود میں تھا اور آپ (صلی اللہ علیہ وآلہ وسلم) سو رہے تھے، میرے والد آئے اور مجھے زو ر سے چوکا مارا اور فرمایا : آپ نے لوگوں کو ہار کی وجہ سے روک دیا ہے، پھر رسول اللہ (صلی اللہ علیہ وآلہ وسلم) بیدار ہوئے اور نماز کا وقت ہوگیا، انھوں نے پانی تلاش کیا مگر پانی نہ ملا تو یہ آیت تیمم { یَا أَیُّہَا الَّذِینَ آمَنُوا إِذَا قُمْتُمْ إِلَی الصَّلاَۃِ } نازل ہوئی۔ اسید بن حفیر (رض) فرماتے ہیں : اے آل أبی بکر ! تمہاری وجہ سے اللہ نے لوگوں میں برکت ڈال دی ، تم تو باعث برکت ہو۔