Sunan Al Bayhaqi: Hadith 11745

(١١٧٤٠) (الف) عمر بن عبدالعزیز سے روایت ہے کہ رسول اللہ (صلی اللہ علیہ وآلہ وسلم) نے اپنی وفات والی مرض میں فرمایا : اللہ یہودو نصاریٰ سے لڑائی کرے انھوں نے اپنے انبیاء کی قبروں کو سجدہ گاہ بنالیا۔ عرب میں دو دین باقی نہیں رہیں گے۔ جب عمر بن خطاب (رض) خلیفہ بنے تو اہل نجران کو نجرانیہ کی طرف جلا وطن کردیا اور ان کے مالوں کو خرید لیا اور اہل فدک کو تیماء کی طرف اور اہل خیبر کو جلا وطن کیا اور یعلیٰ بن منیہ کو عامل مقرر کیا۔ اس کو صاف زمین دی اس شرط پر کہ بیج، گائے اور لوہا عمر کی طرف سے ہوگا اور عمر کے لیے دو تہائی اور ان کے لیے ایک تہائی اور ایسا بھی تھا کہ عمر کے لیے نصف اور ان کے لیے بھی نصف اور کھجوریں اور انگور اس شرط پر دیے کہ عمر کے لیے دو تہائی اور ان کے لیے ایک تہائی۔
(ب) امام بخاری (رح) فرماتے ہیں : ابو جعفر سے منقول ہے کہ مدینہ میں مہاجرین ثلث اور ربع پر زراعت کرتے تھے۔ امام بخاری (رح) فرماتے ہیں : علی، سعد بن مالک ، ابن مسعود ، عمر بن عبدالعزیز ، قاسم ، عروہ، آل ابوبکر ، آل عمر ، آل علی اور ابن سیرین زراعت کرتے تھے اور عبدالرحمن بن اسود فرماتے ہیں : میں زراعت میں عبدالرحمن بن یزید کا شریک تھا۔