Sunan Al Bayhaqi: Hadith 11860

(١١٨٥٥) عروہ بن زبیر فرماتی ہیں کہ حضرت زبیر (رض) کا ایک انصاری کے ساتھ حرہ کے نالے کے بارے میں جھگڑا ہوگیا، رسول اللہ (صلی اللہ علیہ وآلہ وسلم) نے فرمایا : اے زبیر ! اپنے باغ کو پانی دو ، پھر اپنے ہمسائے کے لیے چھوڑ دو ۔ انصاری نے کہا : یا رسول اللہ (صلی اللہ علیہ وآلہ وسلم) ! زبیر آپ (صلی اللہ علیہ وآلہ وسلم) کے پھوپھی کے بیٹے ہیں ناں۔ رسول اللہ (صلی اللہ علیہ وآلہ وسلم) کے چہرے کا رنگ بدل گیا آپ نے فرمایا : اے زبیر ! سیراب کرلو۔ پھر پانی کو اتنی دیر تک روکے رکھو کہ وہ منڈیروں تک چڑھ جائے۔ پھر ہمسائے کے لیے چھوڑ دو ۔ رسول اللہ (صلی اللہ علیہ وآلہ وسلم) نے انصاری کے اعتراض کی وجہ سے حضرت زبیر کو پورے حق کی تلقین کی۔ حالانکہ اس سے پہلے دونوں کے لیے وسعت تھی۔ حضرت زبیر نے کہا : میں خیال کرتا ہوں کہ یہ آیت اسی بارے میں نازل ہوئی ہے ” فلا وربک لا یو منون حتیٰ یحکموک “ فرماتے ہیں : میں نے زھری کے علاوہ رسول اللہ (صلی اللہ علیہ وآلہ وسلم) کی اس بات کا مطلب کہ ” ثُمَّ احْبِسِ الْمَائَ حَتَّی یَرْجِعَ إِلَی الْجَدْرِ “ یہ تھا کہ وہ ٹخنوں تک ہوجائے۔