Sunan Al Bayhaqi: Hadith 12086

(١٢٠٨١) حضرت سوید بن غفلہ فرماتے ہیں : میں زید بن صوحان اور سلیمان بن ربیعہ کے ساتھ نکلا، میں نے عذیب نامی جگہ سے کوڑا اٹھایا۔ ان دونوں نے کہا : اسے چھوڑ دو ، میں نے کہا : اللہ کی قسم ! میں اسے نہیں چھوڑوں گا، درندے اسے کھا لیں گے، میں اس سے فائدہ اٹھالوں گا۔ میں ابی بن کعب کے پاس گیا اور میں نے ان کے سامنے یہ ذکر کیا تو انھوں نے کہا : تو نے اچھا کیا، تو نے اچھا کیا، مجھے اللہ کے رسول (صلی اللہ علیہ وآلہ وسلم) کے دور میں ایک تھیلی ملی، اس میں سو دینار تھا، میں نے نبی (صلی اللہ علیہ وآلہ وسلم) کے پاس گیا تو آپ (صلی اللہ علیہ وآلہ وسلم) نے فرمایا : ایک سال تک اعلان کر۔ میں نے ایک سال تک اعلان کیا، پھر میں رسول اللہ (صلی اللہ علیہ وآلہ وسلم) کے پاس آیا، آپ (صلی اللہ علیہ وآلہ وسلم) نے پھر فرمایا : ایک سال تک اور اعلان کر۔ تین دفعہ کے بعد جب میں آیا تو آپ (صلی اللہ علیہ وآلہ وسلم) نی فرمایا : اس کی تعداد اور سر بندھن کو اچھی طرح پہچان لو ۔ اگر کوئی آئے اور وہ اس کی تعداد کی خبر دے اور اس کے بندھن کی بھی تو اسے دے دینا ورنہ اس سے فائدہ اٹھا۔