Sunan Al Bayhaqi: Hadith 12222

(١٢٢١٧) ثابت بن دحداح نامی بنی انیف یا بنی عجلان میں ایک اجنبی آدمی تھا، وہ فوت ہوگیا تو نبی (صلی اللہ علیہ وآلہ وسلم) نے سوال کیا : کیا اس کا کوئی وارث ہے ؟ انھوں نے اس کا کوئی وارث نہ پایا تو نبی (صلی اللہ علیہ وآلہ وسلم) نے اس کی وراثت اس کے بھانجے کو دے دی اور وہ ابولبابہ بن عبدالمنذر تھے۔
(الف) ثابت بن دحداح کے بارے میں منقول ہے کہ وہ فوت ہوگئے، آپ (صلی اللہ علیہ وآلہ وسلم) نے پوچھا : کیا تم اس کا نسب جانتے ہو ؟ اس نے کہا : نہیں اور وہ تو ہم میں اجنبی تھا تو رسول اللہ (صلی اللہ علیہ وآلہ وسلم) نے اس کی وراثت کا فیصلہ اس کے بھانجے کے حق میں کیا۔
شیخ فرماتے ہیں : وہ احد کے دن فوت ہوا تھا۔