Sunan Al Bayhaqi: Hadith 12316

(١٢٣١١) حضرت جابر بن عبداللہ (رض) فرماتے ہیں : ہم رسول اللہ (صلی اللہ علیہ وآلہ وسلم) کے ساتھ نکلے، یہاں تک کہ ہم اسواف میں انصار کی ایک عورت کے پاس آئے۔ وہ خارجہ بن زید کی دادی تھی۔ راوی نے حدیث بیان کی اور کہا : ایک عورت دو بیٹیوں کے ساتھ رسول اللہ (صلی اللہ علیہ وآلہ وسلم) کے پاس آئی، اس نے کہا : اے اللہ کے رسول (صلی اللہ علیہ وآلہ وسلم) ! یہ دونوں بیٹیاں ثابت بن قیس کی ہیں، وہ آپ کے ساتھ احد میں شہید کردیے گئے تھے اور ان کے چچا نے ان کا مال لے لیا ہے اور ان کی ساری وراثت بھی لے لی ہے۔ ان کے لیے کچھ نہیں چھوڑا۔ پس آپ کا خیال کیا ہے اے اللہ کے رسول ! اللہ کی قسم ! وہ مال کے بغیر کبھی نکاح بھی نہیں کر پائیں گی، رسول اللہ (صلی اللہ علیہ وآلہ وسلم) نے فرمایا : اللہ تعالیٰ اس بارے میں فیصلہ کریں گے تو سورة النساء کی آیت نازل ہوئی : { یُوصِیکُمُ اللَّہُ فِی أَوْلاَدِکُمْ } رسول اللہ (صلی اللہ علیہ وآلہ وسلم) نے فرمایا : اس عورت اور اس کے ساتھ والے (چچا) کو بلاؤ۔ آپ (صلی اللہ علیہ وآلہ وسلم) نے ان کے چچا سے کہا : ان کو دو تہائی دے دو اور ان کی ماں کو آٹھواں حصہ دے دو اور جو باقی بچے گا وہ تیرا ہے۔
قَوْلُہُ : اسْتَفَائَ مَالَہُمَا کا معنی ہے کہ وہ ان کی وراثت کے حق کی طرف لوٹا ہے۔