Sunan Al Bayhaqi: Hadith 12598

(١٢٥٩٣) حضرت محمد بن ابو ایوب کہتے ہیں : مجھے ابراہیم نے کہا : کیا تو فرائض جانتا ہے ؟ میں نے کہا : ہاں، ابراہیم نے کہا : حصوں کے بارے میں علم رکھتا ہے ؟ میں نے کہا : ہاں۔ ابراہیم نے کہا : وصیتوں کے بارے میں جانتا ہے ؟ میں نے کہا : ہاں۔ ابراہیم نے کہا : تیرا اس آدمی کے بارے میں کیا خیال ہے جو کسی کے لیے اپنے ثلث مال کی وصیت کرتا ہے اور دوسرے کے لیے ربع کی اور کسی اور کے لیے نصف مال کی ؟ میں نے کہا : یہ جائز نہیں ہے، بیشک اس کے لیے اپنے مال سے ثلث کی اجازت ہے۔ ابراہیم نے کہا : اگر ورثاء اجازت دیں ؟ میں نے کہا : میں نہیں جانتا۔ ابراہیم نے کہا : میں تجھے سکھا دیتا ہوں، میں نے کہا : ہاں۔ ابراہیم نے کہا : اس کے مال کے نصف، ثلث اور ربع کو دیکھو۔ میں نے کہا : یہ بارہ ہوگئے۔ ابراہیم نے کہا : ہاں۔ پس اس کا نصف چھثلث چار اور ربع تین حصے ہوں گے، پس یہ تیرہ حصے بن گئے، مال تیرہ حصوں میں تقسیم کیا جائے گا اور نصف والے کو چھ حصے، ثلث والے کو چار حصے اور ربع والے کو تین حصے دیے جائیں گے، میں نے کہا : ہاں۔