Sunan Al Bayhaqi: Hadith 12963

(١٢٩٥٨) جبیر بن مطعم فرماتے ہیں کہ وہ اور عثمان بن عفان (رض) رسول اللہ (صلی اللہ علیہ وآلہ وسلم) سے بات کرنے آئے اس بارے میں جو آپ (صلی اللہ علیہ وآلہ وسلم) نے خمس میں سے بنی ہاشم اور بنی مطلب کو دیا تھا، میں نے کہا : اے اللہ کے رسول ! آپ نے بنی مطلب سے ہمارے بھائیوں کو حصہ دیا ہے اور ہمیں چھوڑ دیا ہے اور ہمارے رشتہ دار اور ان کے رشتہ دار ایک ہی ہیں، نبی (صلی اللہ علیہ وآلہ وسلم) نے فرمایا : بنی ہاشم اور بنی مطلب ایک ہی چیز ہیں۔ جبیر کہتے ہیں : بنی عبدشمس اور بنی نوفل کو خمس سے کچھ نہ دیا جیسا کہ بنی ہاشم اور بنی مطلب کو دیا اور ابوبکر بھی رسول اللہ (صلی اللہ علیہ وآلہ وسلم) کی طرح خمس تقسیم کرتے تھے اس کے علاوہ وہ رسول اللہ (صلی اللہ علیہ وآلہ وسلم) کے رشتہ داروں کو نہ دیتے تھے، جنہیں نبی (صلی اللہ علیہ وآلہ وسلم) خمس سے دیتے تھے اور عمر اور عثمان (رض) دیتے تھے۔