Sunan Al Bayhaqi: Hadith 13008

(١٣٠٠٣) مالک بن اوس نے حضرت عمر (رض) سے ایک قصہ بیان کیا، پھر تلاوت کی : { إِنَّمَا الصَّدَقَاتُ لِلْفُقَرَائِ وَالْمَسَاکِینِ } آخر تک۔ یہ ان کے لیے ہے۔ پھر تلاوت کی : { وَاعْلَمُوا أَنَّمَا غَنِمْتُمْ مِنْ شَیْئٍ فَأَنَّ لِلَّہِ خُمُسَہُ وَلِلرَّسُولِ } آخر تک۔ پھر کہا : یہ ان کے لیے ہے پھر تلاوت کی { مَا أَفَائَ اللَّہُ عَلَی رَسُولِہِ مِنْ أَہْلِ الْقُرَی } آخر تک۔ پھر کہا : یہ ان کے لیے ہے۔ پھر پڑھا : { لِلْفُقَرَائِ الْمُہَاجِرِینَ } آخر تک۔ پھر یہ مہاجروں کے لیے ہے اور کہا : { وَالَّذِینَ تَبَوَّئُ وا الدَّارَ وَالإِیمَانَ مِنْ قَبْلِہِمْ } آخر تک۔ پھر کہا : اس آیت نے تمام مسلمانوں کو شامل کردیا ہے، مسلمانوں میں سے کوئی بھی ایسا نہیں، جس کا اس مال میں حق نہ ہو سوائے غلاموں کے۔ پس اگر میں زندہ رہا تو مسلمانوں میں سے کوئی بھی ایسا نہ ہوگا کہ جسے اس کا حق نہ پہنچے حتیٰ کہ ایک چرواہا سُر میں یا حمیر میں ہو تو اسے اس کا حق ملے گا اور اس کی پیشانی پر پسینہ بھی نہ آئے گا۔
امام شافعی (رح) فرماتے ہیں : اس حدیث میں کئی معنوں کا احتمال ہے، ہم کہہ سکتے ہیں کہ کوئی بھی ایسا نہیں کہ اسے ضرورت سے دیا جاسکتا ہے، اہل صدقہ میں سے اور اہل فئی میں سے۔ وہ لوگ جو غزوؤں پر جاتے ہیں مگر اس کے لیے اس مال فئی یا صدقہ میں اس کا حق ہے، یہ اس کے سب سے عمدہ معنیٰ ہیں۔ نبی (صلی اللہ علیہ وآلہ وسلم) نے صدقہ کے بارے میں فرمایا : اس میں غنی اور کمانے والے کے لیے کوئی حق نہیں ہے اور جو میں نے اہل علم سے یاد کیا ہے کہ اعراب کو فئی میں سے نہیں دیا جائے گا۔