Sunan Al Bayhaqi: Hadith 13218

(١٣٢١٢) سہل بن حنظلیہ فرماتے ہیں کہ نبی (صلی اللہ علیہ وآلہ وسلم) کے پاس عیینہ بن حصن اور اقرع بن حابس آئے، ان دونوں نے آپ (صلی اللہ علیہ وآلہ وسلم) سے سوال کیا، آپ (صلی اللہ علیہ وآلہ وسلم) نے ان کے سوال کے مطابق دینے کا حکم دیا اور معاویہ کو حکم دیا کہ جو کچھ انھوں نے سوال کیا ہے، اس کو لکھ دو ۔ راوی کہتے ہیں کہ اقرع نے اپنے خط کو اپنے امامے میں لپیٹ لیا اور چلا گیا اور عیینہ نے اپنا خط پکڑا اور نبی (صلی اللہ علیہ وآلہ وسلم) کے پاس آگیا اور اس نے کہا : اے محمد (صلی اللہ علیہ وآلہ وسلم) ! میں یہ خط اپنی قوم کی طرف لے کر جانے والا ہوں اور میں بھی نہیں جانتا کہ اس میں کیا ہے۔
راوی کہتا ہے کہ اس کو نبی (صلی اللہ علیہ وآلہ وسلم) نے پکڑا اور اس میں دیکھا اور فرمایا : اس میں وہ چیز لکھی گئی ہے جس کا میں نے تیرے لیے حکم دیا تھا۔
پھر لمبی حدیث ذکر کی اور نبی (صلی اللہ علیہ وآلہ وسلم) نے فرمایا کہ جس بندے نے سوال کیا حالانکہ وہ اس چیز سے بے پروا ہے (یعنی اس کو ضرورت نہیں) تو وہ جہنم کی آگ کو اکٹھا کررہا ہے۔ صحابہ کرام (رض) نے سوال کیا کہ اے اللہ کے نبی ! غنیٰ کیا چیز ہے کہ بعد میں سوال کی گنجائش ہی نہ رہے ؟ تو آپ (صلی اللہ علیہ وآلہ وسلم) نے فرمایا کہ وہ اس کے لیے سیر ہونا ایک دن اور رات یا ایک رات اور دن۔