Sunan Al Bayhaqi: Hadith 1335

(١٣٣٦) سیدنا مغیرہ بن شعبہ اپنے والد سے نقل فرماتے ہیں کہ میں ایک سفر میں نبی (صلی اللہ علیہ وآلہ وسلم) کے ساتھ تھا، آپ (صلی اللہ علیہ وآلہ وسلم) نے فرمایا : ” تیرے پاس پانی ہے ؟ “ میں نے عرض کیا : جی ہاں، آپ (صلی اللہ علیہ وآلہ وسلم) اپنی سواری سے اترے، پھر آپ (صلی اللہ علیہ وآلہ وسلم) چلے اور رات کی سیاہی میں مجھ سے چھپ گئے، پھر تشریف لائے تو میں نے برتن سے آپ (صلی اللہ علیہ وآلہ وسلم) پر پانی ڈالا، آپ نے ہاتھ اور چہرہ دھویا، آپ پر اونی جبہ تھا آپ (صلی اللہ علیہ وآلہ وسلم) اپنے بازوؤں کو اس سے نہ نکالس کے پھر ان کو اپنے جبے کے نیچے سے نکالا۔ اور انھیں دھویا اور اپنے سر کا مسح کیا، پھر میں جھکا تاکہ آپ کے موزے اتاروں۔ آپ (صلی اللہ علیہ وآلہ وسلم) نے فرمایا : ” انھیں چھوڑو میں نے باوضوپہنے تھے، پھر آپ (صلی اللہ علیہ وآلہ وسلم) نے ان پر مسح کیا۔ “