Sunan Al Bayhaqi: Hadith 13351

(١٣٣٤٥) نبی (صلی اللہ علیہ وآلہ وسلم) کے پاس فوت شدہ آدمی جس پر قرض ہوتا لایا جاتا، آپ (صلی اللہ علیہ وآلہ وسلم) سوال کرتے : کیا اس کے قرض کی ادائیگی کے لیے کوئی چیز ہے ؟ اگر کہا جاتا کہ موجود ہے تو نماز جنازہ پڑھا دیتے، اس کے علاوہ کہہ دیتے کہ اپنے بھائی پر نماز جنازہ پڑھو، جب فتوحات کا سلسلہ زیادہ ہوا تو آپ (صلی اللہ علیہ وآلہ وسلم) نے فرمایا : میں مومنوں کا ان کے نفسوں سے زیادہ حق دار ہوں، جو مسلمان فوت ہوجائے اور اس نے قرض چھوڑا ہو تو وہ مجھ پر ہے (یعنی ادائیگی) اور جس نے مال چھوڑا وہ اس کے وارثوں کے لیے ہے۔