Sunan Al Bayhaqi: Hadith 14069

(١٤٠٦٣) ابن شہاب فرماتے ہیں کہ رسول اللہ (صلی اللہ علیہ وآلہ وسلم) کے دور میں عورتیں بغیر ہجرت کیے اپنے علاقے میں مسلمان ہوگئیں اور ان کے خاوند اس وقت غیر مسلم تھے جیسے ولید بن مغیرہ کی بیٹی جو صفوان بن امیہ کے نکاح میں تھی، یہ مکہ فتح کے دن اسلام لائی اور صفوان بن امیہ اسلام سے بھاگ گئے تو رسول اللہ (صلی اللہ علیہ وآلہ وسلم) نے اس کے چچا کے بیٹے وہب بن عمیر کو اپنی چادر بطور امان کی علامت دے کر بھیجا اور رسول اللہ (صلی اللہ علیہ وآلہ وسلم) نے جب صفوان بن امیہ رسول اللہ (صلی اللہ علیہ وآلہ وسلم) کی چادر لے کر آئے اور آواز دی، اس نے حدیث ذکر کی۔ یعنی اس کا چلنا پھرنا اور واپس آنا کہ صفوان بن امیہ رسول اللہ (صلی اللہ علیہ وآلہ وسلم) کے ساتھ حنین و طائف میں کفر کی حالت میں گیا اور اس کی بیوی مسلمان تھی تو رسول اللہ (صلی اللہ علیہ وآلہ وسلم) نے میاں، بیوی کے درمیان تفریق نہیں ڈالی، پھر صفوان مسلمان ہوگئے تو ان کی بیوی اس نکاح میں باقی رہی، ابن شہاب کہتے ہیں کہ صفوان اور اس کی بیوی کے اسلام میں تقریباً ایک ماہ کا فاصلہ ہے۔