Sunan Al Bayhaqi: Hadith 14422

(١٤٤١٦) علقمہ بن قیس فرماتے ہیں کہ لوگ حضرت عبداللہ بن مسعود کے پاس آئے اور ان سے کہنے لگے : ہمارے ایک فرد نے شادی کی، لیکن بیوی سے دخول نہ کرسکا اور حق مہر بھی مقرر نہ کیا، فوت ہوگیا تو حضرت عبداللہ بن مسعود (رض) فرمانے لگے : اتنا مشکل سوال مجھے نہ ہوا تھا جب سے میں رسول اللہ (صلی اللہ علیہ وآلہ وسلم) سے جدا ہوا۔ تم کسی اور کے پاس جاؤ۔ انھوں نے ایک مہینہ تک آپس میں اختلاف کیا اور آخر کار حضرت عبداللہ بن مسعود (رض) سے کہنے لگے : اگر آپ سے سوال نہ کریں تو کس سے کریں اس شہر میں صرف آپ نبی (صلی اللہ علیہ وآلہ وسلم) کے صحابی ہیں کوئی اور نہیں ہے، تو فرمانے لگے : پھر میں اپنی رائے سے کہہ دیتا ہوں اگر درست ہوا تو اللہ کی جانب سے اگر غلط ہوا تو میری جانب سے۔ اللہ اور اس کے رسول اس سے بری الذمہ ہیں۔ اس عورت کے ذمہ ٤ مہینہ دس دن عدت ہے تو اشجع کے لوگ بھی اس فیصلہ کو سن رہے تھے تو انھوں نے کہا ہم گواہی دیتے ہیں کہ آپ کے فیصلہ کی مانند رسول اللہ (صلی اللہ علیہ وآلہ وسلم) نے ہماری ایک عورت بروع بنت واثق کے بارے میں فیصلہ دیا تھا تو حضرت عبداللہ بن مسعود (رض) نے اتنی بڑی خوشی نہ دیکھی تھی سوائے اپنے اسلام لانے کی، پھر کہا : اے اللہ ! اگر یہ درست ہے تو تیرے اکیلے کی جانب سے ہے، اگر غلط ہے تو میری اور شیطان کی طرف سے ہے، اللہ اور اس کے رسول اس سے بری الذمہ ہیں۔