Sunan Al Bayhaqi: Hadith 14862

(١٤٨٥٦) ربیع بنت معوذ بن عفراء کہتی ہیں کہ میں نے اپنے چچا زاد سے شادی کی، اس نے مجھے مشقت میں ڈالا اور میں نے اس کو مشقت میں ڈالا، اس نے مجھے تکلیف میں ڈالا اور میں نے اس کو تکلیف میں ڈالا، اس نے مجھے ظالم ٹھہرایا تو میں نے بھی، اس نے میرے اوپر کثرت سے ظلم کیا تو میں نے بھی کیا اور میری جانب سے ایک کلمہ کہہ دیا گیا کہ میں اپنا تمام مال فدیہ میں دیتی ہوں۔ اس نے کہہ دیا : میں نے قبول کیا۔ حضرت عثمان فرمانے لگے : لے لو۔ کہتی ہیں : میں نے اپنا تمام سامان اس کو دے دیا سوائے اپنے کپڑوں اور بستر کے۔ اس نے کہہ دیا : یہ بھی میرے پاس۔ میں راضی نہیں ہوں۔ پھر وہ مجھے لے کر حضرت عثمان (رض) کے پاس لائے۔ جب ہم ان کے قریب ہوئے تو کہنے لگا : اے امیرالمومنین ! میں نے ملکیت کی شرط رکھی ہے تو حضرت عثمان (رض) فرمانے لگے : اپنا تمام سامان لو حتیٰ کہ بال باندھنے کا بند بھی لے لو۔ کہتی ہیں : میں نے جا کر ہر چیز اس کو لوٹا دی اور میں نے اپنے اور اس کی درمیان دروازہ بند کرلیا۔