Sunan Al Bayhaqi: Hadith 14863

(١٤٨٥٧) عمرہ حضرت عائشہ (رض) سے نقل فرماتی ہیں کہ حبیبہ بنت سہل نے ثابت بن قیس بن شماس سے شادی کی تو انھوں نے دو باغ حق مہر میں دیے۔ ان کے درمیان اختلاف تھا جس کی بنا پر ثابت نے مار کر حبیبہ کا ہاتھ توڑ ڈالا۔ وہ فجر کے وقت آپ (صلی اللہ علیہ وآلہ وسلم) کے دروازے پر آئی۔ جب آپ (صلی اللہ علیہ وآلہ وسلم) گھر سے نکلے تو کہنے لگی : یہ مقامِ پناہ ہے۔ ثابت بن قیس سے۔ فرمایا : تو کون ہے ؟ کہتی ہیں : حبیبہ بنت سہل۔ آپ (صلی اللہ علیہ وآلہ وسلم) نے پوچھا : تیرے ہاتھ خاک آلود ہوں کیا معاملہ ہے ؟ کہتی ہیں : اس نے مجھے مارا ہے، ثابت بن قیس کو نبی (صلی اللہ علیہ وآلہ وسلم) نے بلایا تو ثابت نے آپس کا معاملہ ذکر کیا، آپ (صلی اللہ علیہ وآلہ وسلم) نے پوچھا : تو نے اسے کیا دیا ہے ؟ تو ثابت نے کہا : دو باغ کھجور کے یا دو باغ ہی کہے۔ آپ (صلی اللہ علیہ وآلہ وسلم) نے فرمایا : کچھ مال لے لو اور کچھ چھوڑ دو ۔ تو کہنے لگے : اے اللہ کے رسول (صلی اللہ علیہ وآلہ وسلم) ! کیا یہ درست ہے ؟ آپ (صلی اللہ علیہ وآلہ وسلم) نے فرمایا : ہاں۔ تو اس نے ایک باغ لے لیا اور ایک چھوڑ دیا۔ اس کے بعد اس سے ابی بن کعب نے شادی کی جو شام گئے تو وہاں فوت ہوگئے۔