Sunan Al Bayhaqi: Hadith 15275

(١٥٢٦٩) عون بن عبداللہ بن عتبہ اپنے والد سے دادا کے واسطہ سے نقل فرماتے ہیں کہ ایک عورت نبی (صلی اللہ علیہ وآلہ وسلم) کے پاس سیاہ لونڈی لے کر آئی، اس نے کہا : اے اللہ کے رسول (صلی اللہ علیہ وآلہ وسلم) ! میرے ذمے مومنہ گردن کا آزاد کرنا ہے، کیا یہ میری جانب سے کفایت کر جائے گی۔ رسول اللہ (صلی اللہ علیہ وآلہ وسلم) نے اس سے پوچھا : تیرا رب کون ہے ؟ کہنے لگی : میرا رب اللہ ہے۔ آپ (صلی اللہ علیہ وآلہ وسلم) نے پوچھا : تیرا دین کیا ہے ؟ اس نے کہا : اسلام۔ آپ (صلی اللہ علیہ وآلہ وسلم) نے فرمایا : میں کون ہوں ؟ اس نے کہا : آپ اللہ کے رسول ہیں، آپ (صلی اللہ علیہ وآلہ وسلم) نے فرمایا : تو پانچ نمازیں پڑھتی ہے اور تو اقرار کرتی ہے جو میں اللہ کی جانب سے لے کر آیا ہوں، اس نے کہا : ہاں، آپ (صلی اللہ علیہ وآلہ وسلم) نے اس کی کمر پر مارا اور فرمایا : اس کو آزاد کر دو ۔