Sunan Al Bayhaqi: Hadith 15282

(١٥٢٧٦) عطاء بن یسار فرماتے ہیں کہ خویلہ بنت ثعلبہ اوس بن صامت کے نکاح میں تھی، اوس نے ظہار کرلیا اور اوس کو دیوانگی کی بیماری تھی، خویلہ رسول اللہ (صلی اللہ علیہ وآلہ وسلم) کے پاس آئی کہنے لگی کہ اوس نے مجھ سے ظہار کرلیا ہے اور اس کی بیماری کا بھی تذکرہ کیا اور کہنے لگے کہ میں آپ کے پاس آئی ہوں تاکہ اس پر شفقت کی جائے۔ کیونکہ اس کو مجھ سے بہت سارے فائدے ہیں۔ اللہ رب العزت نے قران نازل فرما دیا تو رسول اللہ (صلی اللہ علیہ وآلہ وسلم) نے فرمایا : اس کو کہو کہ وہ ایک گردن آزاد کر دے۔ اس نے کہا : نہ تو اس کے پاس غلام ہے اور نہ ہی وہ کسی کا مالک ہے، آپ (صلی اللہ علیہ وآلہ وسلم) نے فرمایا : دو ماہ مسلسل روزے رکھنے کا کہہ دو ۔ وہ کہتی ہیں : اے اللہ کے رسول (صلی اللہ علیہ وآلہ وسلم) ! اللہ کی قسم ! اگر آپ اسے تین ایام کا مکلف ٹھہرائیں تو وہ اس کی بھی طاقت نہیں رکھتا اور وہ آزاد تھا۔ فرمایا : ساٹھ مسکینوں کو کھانا کھلانے کا کہہ دو ۔ اس نے کہا : وہ اس پر بھی قادر نہیں ہے۔ آپ (صلی اللہ علیہ وآلہ وسلم) نے فرمایا : فلان بن فلاں کے پاس جا کر صدقہ والی کھجوروں کا ایک ٹوکرا وصول کر کے ساٹھ مسکینوں پر صدقہ کر دے۔