Sunan Al Bayhaqi: Hadith 15580

(١٥٥٧٤) شعبی مسروق سے روایت کرتے ہیں یا فرمایا : میں گمان کرتا ہوں کہ مسروق سے روایت ہے کہ اگر عمر (رض) نے گم شدہ خاوند کو اس کی بیوی اور حق مہر کے درمیان اختیار نہ دیا ہوتا۔ تو میں سمجھتا وہ اس کا زیادہ حق دارہوتا جب وہ آجاتا۔
امام شافعی فرماتے ہیں کہ علی بن ابی طالب (رض) نے فرمایا : گم شدہ خاوند کی بیوی ایسی عورت ہے جس کی آزمائش کی گئی ہے، وہ صبر کرے وہ نکاح نہ کرے یہاں تک کہ اس کی موت کی یقینی خبر آجائے۔ امام شافعی (رح) فرماتے ہیں : یہی ہم کہتے ہیں۔
امام بیہقی نے فرمایا : اور روایت کیا ہے قتادہ نے خلاس بن عمرو سے، ابوملیح سے اور علی (رض) سے فرماتے ہیں : جب اس کا پہلا خاوند آجائے تو اسے دوسرے حق مہر اور اس کی بیوی کے درمیان اختیار دیا جائے گا۔
اور خلاس کی روایت علی سے ضعیف ہے اور ابوملیح نے علی (رض) سے نہیں سنا۔