Sunan Al Bayhaqi: Hadith 15848

(١٥٨٤٢) عبادہ بن صامت (رض) سے منقول ہے کہ رسول اللہ (صلی اللہ علیہ وآلہ وسلم) فرما رہے تھے اور صحابہ آپ کے ارد گرد بیٹھے ہوئے تھی کہ تم میری اس بات پر بیعت کرو کہ کبھی اللہ کے ساتھ شرک نہیں کرو گے، چوری اور زنا نہیں کرو گے۔ اپنی اولاد کو قتل نہیں کرو گے، کسی کے اوپر بہتان بازی نہیں کرو گے۔ نیکی کے کاموں میں نافرمانی نہیں کرو گے۔ جو یہ وعدے پورے کرے گا اس کو اللہ بہترین اجر سے سے نوازیں گے۔ اگر کسی سے یہ گناہ سر زد ہوجائیں تو دنیا میں سزا کامل جانا اس کے لیے کفارہ بن جائے گا اور اگر کسی کے گناہ پر پردہ پڑا رہا تو اس کا معاملہ اللہ کے ساتھ ہے چاہے تو اسے معاف کر دے چاہے تو سزا دے۔ عبادہ فرماتے ہیں : ہم نے اس پر آپ سے بیعت کرلی۔